نظرانداز کرکے مرکزی مواد پر جائیں

جامعہ عارفیہ سے جامعہ ملیہ اسلامیہ

جامعہ ملیہ اسلامیہ کا تعارف
1920ء میں علی گڑھ میں جامعہ ملیہ اسلامیہ کی بنیاد رکھی گئی۔ اس کے بانیین میں مولانا محمود حسن دیوبندی، محمد علی جوہر، حکیم اجمل خان، ڈاکٹر مختار احمد انصاری، عبد المجید خواجہ اور ذاکر حسین ہیں۔ ان حضرات کا خواب ایک ایسے تعلیمی ادارہ کا قیام تھا جہاں اکثریت کے جذبے کا احترام کیا جائے اور اخلاق عالیہ کا مظاہرہ کیا جائے۔ 1925ء میں جامعہ کو علی گڑھ سے کرول باغ، نئی دہلی منتقل کیا گیا۔ 1 مارچ 1935ء کو اوکھلا میں جامعہ کا سنگ بنیاد رکھا گیا۔ اوکھلا اس زمانہ میں جنوبی دہلی  کا ایک غیر رہائشی علاقہ تھا۔  نئے حرم جامعہ میں کتب خانہ، جامعہ پریس اور مکتبہ کے علاوہ تمام شعبے منتقل کردیے گئے تھے۔ اسے ایک قومی یونیورسٹی کے طور پر تسلیم کیا گیا جہاں اعلیٰ، جدید اور ترقی پسند تعلیم کا انتظام کیا جائے اور ملک بھر کے تمام مذاہب کے لوگ بالخصوص مسلمان تعلیم حاصل کرسکیں۔ جامعہ کو گاندھی اور ٹیگور کا بھرپور تعاون حاصل رہا۔ دونوں بزرگوں کا ماننا تھا کہ جامعہ ہزاروں طالبان علوم جدیدہ کی تشنگی مٹانےکا سامان فراہم کرے گی۔ 1988ء میں جامعہ کو بھارتی پارلیمان کے جامعہ ملیہ اسلامیہ ایکٹ، (59/1988) کے تحت مرکزی یونیورسٹی کا درجہ ملا۔

جامعہ عارفیہ سے جامعہ ملیہ کی جانب
اس عظیم مرکزی جامعہ سے جامعہ عارفیہ کا معادلہ 2014 میں واقع ہوا۔ اس معادلہ میں جامعہ ملیہ اسلامیہ نے جامعہ عارفیہ کے عالمیت کی سند کو سینیر سیکنڈری (Senior Secondary)  کے مساوی قبول کیا  اور فیکلٹی آف ہیومینٹیزاینڈ لینگویجیز (Faculty of Humanities)  اور فیکلٹی آف سوشل سائنس (Faculty of Social Science)  کے تمام کورسز میں داخلہ لینے کی اجازت دی۔ خدا کے فضل و کرم سے جامعہ عارفیہ سے فارغ شدہ کئی طلبہ اس وقت جامعہ ملیہ اسلامیہ کے مختلف شعبوں میں  زیر تعلیم ہیں۔

فیکلٹی آف ہیومینٹیزانڈ لینگویز  (Faculty of Humanities & Languages) 
اس فیکلٹی کے تحت کورسز ذیل میں درج ہیں:
•       بی اے آنرس عربی(B.A. (H) Arabic)
•       بی اے آنرس انگلش(B.A. (H) English)
•       بی اے آنرس ہندی (B.A. (H) Hindi)
•       بی اے آنرس ہسٹری(B.A. (H) History)
•       بی اے آنرس اسلامک اسٹڈیز(B.A. (H) Islamic Studies)
•       بی اے آنرس فارسی(B.A. (H) Persian)
•       بی اے آنرس اردو(B.A. (H) Urdu)
•       بی اے آنرس سنسکرت(B.A. (H) Sanskrit)
ان تمام کورسز میں داخلہ کے لئے سینیر سیکنڈری (Senior Secondary)  ، مساوی بورڈ یا جامعہ عارفیہ کی عالمیت کی مارکشیٹ، جس میں مجموعی طور پر 50% نمبرات رقم ہوں ، مقبول ہے۔  ان میں سے کسی بھی زبان یا فن کی دینی و دنیاوی اعتبار سے اپنی اہمیت ہےلھٰذا پوری آزادی کے ساتھ آپ کسی بھی فن کی خدمت کر کے مقصد اصلی کو حاصل کر سکتے ہیں۔

فیکلٹی آف سوشل سائنس (Faculty of Social Science) 
اس فیکلٹی کے تحت کورسز ذیل میں درج ہیں:
•       بی اے جینرل (B.A General)
•       بی  کام (B.Com)
•       بی اے ایکانومکس آنرس(B.A (H) Economics)
•       بی اے سوشیولوجی آنرس (B.A (H) Sociology)
•       بی اے پولیٹکل سائنس (B.A Political Science)
•       بی اے سائکولوجی (B.A Psychology)
ان تمام کورسز میں داخلہ کے لئے سینیر سیکنڈری (Senior Secondary)  ، مساوی اسٹیٹ بورڈ یا جامعہ عارفیہ کی عالمیت کی مارکشیٹ، جس میں مجموعی طور پر 50% نمبرات رقم ہوں اور مطلوبہ کورس کے مضمون (Subject)  میں 45% نمبرات رقم ہوں،  مقبول ہے۔  ان میں سے کسی بھی زبان یا فن کی دینی و دنیاوی اعتبار سے اپنی اہمیت ہےلھٰذا پوری آزادی کے ساتھ آپ کسی بھی فن کی خدمت کر کے مقصد اصلی کو حاصل کر سکتے ہیں۔

داخلہ کا عمل
تمام کورسز میں داخلہ ٹیسٹ کے ذریعہ داخلہ لیا جاتا ہے۔ طالب علم کو داخلہ ٹیسٹ میں کامیاب ہونا لازم ہے۔  داخلہ ٹیسٹ میں آنے والے مواد ہر کورس کے لئے الگ الگ ہو نگے۔ مواد کی فہرست ویب سائٹ پر مل جائے گی اور کتابوں کے لئے اس کتب خانہ  کا رخ کر سکتے ہیں جہاں ایسے داخلہ ٹیسٹ کی کتابیں ملتی ہوں۔

رہائش
ان کورسز کی فیس مختلف ہیں جن کے لئے جامعہ ملیہ اسلامیہ کے پروسپیکٹس کے جانب رجوع کیا جا سکتا ہے۔ جامعہ ملیہ اسلامیہ اپنے طلبہ کے قیام و طعام کا بھی خیال ہوٹل و میس (Hostel & Mess)  کے ذریعہ رکھتا ہے۔ ہوسٹل  کے لئے داخلہ کے بعد الگ سے  درخواست اور  انٹرویو دینا ہوتا ہے ، چونکہ اس وقت طلبہ کی تعداد موجودہ ہوسٹل کے انتظام سے زیادہ ہے، اس لیے ہوسٹل ملنے میں دشواری ہوتی ہے؛ اس لیے کافی طلبہ جامعہ کے باہر اپنا انتظام کر کے تعلیم حاصل کرتے ہیں۔

مزید
یہ وہ بنیادی باتیں ہیں جو ہمیں جامعہ عارفیہ سے جامعہ ملیہ اسلامیہ کے جانب رخ کرنے میں معاون ہونگی۔ یقیناً اس سفر میں اور بھی کئی منازل کو طے کرنا ہوگا جن کا ذکر اس میں نہیں ہے۔ لھٰذا کسی بھی قسم کے شبھات و کشمکش کے ازالہ کے لئے آپ ہمارا بلاگ وزٹ کر سکتے ہیں، ہمیں ای میل کر سکتے ہیں یا براہ راست ہمارے موبائل نمبر پر ہم سے رابطہ کر سکتے ہیں۔

 Web Site: http://jmi.ac.in

 Download this article (PDF)

 Jamia Millia Islamia University Prospectus 2019-2020 .PDF
مغیث انجم، جامعہ ملیہ اسلامیہ (دہلی)

 About Me
لیبلز:

تبصرے

ایک تبصرہ شائع کریں

اس بلاگ سے مقبول پوسٹس

یہ ‏ضعف ‏کا ‏عالم ‏ہے ‏کہ ‏تقدیر ‏کا ‏لکھا

         میں لکھنے کا عادی نہیں اور ناہی کوئی لکھاری ہوں ،لیکن کبھی کبھی جبرا لکھنا ہوتا ہے ،کلیہ کی طرف سے لکھنے کا کام ملتا ہے ،نا چاہ کر بھی محض نمبرات کے لیے  قرطاس سیاہ کرنا  ہوتا ہے ،اس سال بھی اسائمنٹ لکھنا تھا ،فلسطین کے تازہ ترین حالات پر  ہی ایک چھوٹا سا مضمون قلم بند کرنا تھا جمع کرنے کی تاریخ قریب آگئی تو  قلم اٹھایا سوچا لکھوں ۔۔۔ لیکن کیا لکھوں ؟؟۔۔۔۔فلسطین ۔۔۔۔ کوئی قصہ عشق ہو تو لکھوں ،کسی شہزادی کی داستان ہو تو لکھوں ،تحریر کے لئے چاہیے کوئی سلگتا عنوان، کوئی اختلافی موضوع، یا کوئی سنسنی خیز خبر جیسے سیلیبریٹی کا قتل، سیاسی الٹ پھیر یا کوئی ایکسیڈینٹ ۔ یا پھر تحریر کے لئے حسن و عشق چاہیے۔ ہائی پروفائلڈ محبوبہ کی رنگین زلفوں کا اسیر مجنوں، محبت میں ناکام عاشق کی دیوانگی یا یک طرفہ محبت کا دردناک انجام، غزہ کے ان بھوکے ،بے گھر ،ستائے ہوئے، مظلوموں کے بارے میں کیا لکھوں ،جن پر خود ان کے اپنے منھ نہیں کھولتے ،جن پر اقوام متحدہ ترس نہیں کھاتی ،امن کے نمائندے جن کی نمائندگی نہیں کر رہے ہیں!! کسی کتاب یا مضمون کا خلاصہ کرنا ہوتا تو ...
ایک تبصرہ شائع کریں
مزید پڑھیں

اسکندریہ :ذاتی تعارف و تجزیہ

اسکندریہ (Alexandria) مصر کا دوسرا سب سے بڑا شہراور اس کی سب سے بڑی بندر گاہ ہےجسے اتر سے بحر ابیض نے ,دکھن سے نہر  مریوط نے ،پورب سے خلیج ابو قیر ،اور پچھم سے سید کریر نے گھیر رکھا ہے یہ شہر  سوئز کے راستے قدرتی گیس اور تیل کی پائپ لائنوں کے باعث اہم صنعتی مرکز ہے،اپنےروشن مینار (لائٹ ہاؤس) کے باعث یہ بہت ہی مشہورتھا جو 7 عجائبات عالم میں شامل ہے،(جہاں آج قلعہ بنا ہوا ہے) ،اس کے علاوہ زمانہ قدیم میں اسکندریہ کا کتب خانہ بھی کافی شہرت کا حامل تھا، اس شہر کو 334 قبل مسیح (متنازع تاریخ) میں سکندر اعظم نے بسایا تھا اور اسی کے نام پر آج تک "اسکندریہ" کہلاتا ہے،642ء میں جنگ کے دوران لائبریری اور دیگر مشہور عمارات تباہ ہوگئیں۔ روشن مینار 14 ویں صدی میں زلزلے سے تباہ ہوا اور 1700ء تک یہ شہر ایک چھوٹے سے قصبے کی صورت اختیار کرگیا۔  1810ء میں مصر کے عثمانی گورنر محمد علی پاشا نے شہر کو دوبارہ تعمیر کرنے کا آغاز کیا اور 1850ء تک اسکندریہ ماضی کی عظمتیں حاصل کرنے میں کامیاب ہو گیا۔ اس لیے  مصر آنے کے بعد میرے شیڈیول میں اسکندریہ بھی شامل ہوگیا تھا ،تمنا تھی کہ ک...
ایک تبصرہ شائع کریں
مزید پڑھیں

قناۃ خیریہ

پنج تن نے رات میں بیٹھے بیٹھے قناۃ خیریہ کا پروگرام بنایا اور صبح ہوتے ہوتے تین لوگوں کےاضافے سے آٹھ لوگوں کی مشترکہ جماعت بن گئی جوکھانے پینے کی ضروریات کے ساتھ قناۃ خیریہ کے سیر کو نکل چکی۔ سیر وتفریح چونکہ مختلف مقاصد کے تحت ہوا کرتی ہے اور خاص کر جہاں مختلف افراد ہوں وہاں مقاصد میں تنوع ہونا لازمی ہے لیکن اس سفر میں کشتی کی سواری ایک مشترک تفریح تھی جس کے غالبا سبھی مشتاق تھے۔ کشتی نامہ مصر کی زینت دریائے نیل بھی ہے اور نیل کی شام "کشتی کی سواری »کا استعارہ  بھی جو کافی دلچسپ اور پر لطف ہوتاہے لیکن ہر چیز کی ایک مقدار ہوتی ہے اس کے آگے پھر اچھی نہیں لگتی یہی  آج ہمارے ساتھ بھی ہوا ,ہم لوگ پورے جوش وخروش کے ساتھ کشتی میں سوار ہوئے اور کچھ لمحے خوب مزے لوٹے لیکن اگلے ہی لمحے اکتاہٹ کے شکار ہو گئے۔ اس اکتاہٹ کی ایک وجہ تو کشتی کا لمبا سفر تھا جو تقریباً دو سے ڈھائی گھنٹے پر محیط تھا اور دوسری بڑی وجہ مصری گانے جو ڈی جے کے ساتھ بجائے جارہےتھے۔ یہ گانے ہندوستانی گانوں سے بالکل مختلف, ان کے سر تال تو کم از کم ہم ہندوستانیوں کے سر سے ماورا تھے. کئی بار دل میں آی...
ایک تبصرہ شائع کریں
مزید پڑھیں